| 哇哈... 溫左同無溫既結果應該差唔多... 唔溫果然係明智! =] 比之前仲hea... 測SN我都會5點幾起身溫... 但係今日訓到7點 哈哈哈哈哈哈 唔理lu 測完就算........ 根住上B. Fung堂... 黑面.... 呵呵呵 有D變態 你愈激氣 我就愈快樂... 之後Ms Man Demo... 完左 P.K Wong唔見人... 肥朱又講錯野.... 可悲... 咁我就放大家食飯先... 哈... 點知一個大誤會... 錯不在我地... 當時要企硬... P.K Wong黎黑面問罪又如何... 我已睇通你欺善怕惡.... 車... 之後成個event推去4月== 練生練死又如何..... 搞事 最後 sup. .... 好好玩....哈 放學 返黎就訓陣... 起身食飯 就谷鬼氣.... 哼... 我忍.... 忍埋呢幾年姐... 百忍成金.... *今晚可以安詳..... *遲早到我既姐... 成日都講嫁啦 |
| |
| 放完兩日假 仲要無咩做過... 但係今日都累到爆..... 好在除左兩堂pshcho之外... 全部都係Ms Man既堂.... hehe~~ 派左test(2)... 漸見進步... 今次站得住腳... 22.5 首次above mean... 今次係21.XX 仲要有7成5... 拎到B+ cool~~ 哈... 不過聽日又有test lu... 一定死梗... 唔洗講... 而家都未搵到一半 == 不過抵死得 10點半先開始溫... 次次test都係臨尾果晚先溫 == |
| |
| 剛剛過去唔知咩原因病左既呢兩個禮拜... 好多謝各位的慰問關心... 早兩日已經完成整個抗生素的療程... 而家已經大致復原了吧... 想係度多謝你們.... 黃先生,林先生,馮小姐,潘小姐,鍾小姐,蔡先生,趙先生*2,麥小姐,
陳小姐*2,陳女士,黃小姐,黃女士,NS同學... 哈.... 希望無漏到呀下~~ 各位有心喇..... =] |
| |
| 近排都其實幾忙... 又project... 又test.... 又seminar... 仲有個對我們無咩關係既scholarship ceremony的準備功夫... 雖然我只負責二樓個board 同 主力負責 練歌 但作為主席的我 當然要幫下大家手吧 縱然係辛苦少少 但起碼多個人多對手呀... 忙中練EQ... 尢其練歌既時候 有某同學既態度,語氣 永遠都唔懂得體諒 唔單止缺乏說話技巧... 同時做左一件我最討厭的事... [ban人意見既同時 無任何更好的建議] 每當佢一出聲 我就想同佢嘈... 不過我諗呢個係學習忍耐的一個過程... -----拿 成日上堂要拎貼士 比你喇------ (1) 注意說話的態度及語氣
(2) 改善說話的技巧
(3) 在不同意別人意見的同時 要基於自己有更好更有建設性的建議 我呢D野係有需要學習的 =================================== 今日 返到去先知 無帶key... 根住就周圍救助 最後借到後備... 都趕得切換衫上堂... HB... 今堂還可以... 11點半 就放飯.... 之後就練歌... 班主任堂... 講返大家既意見... 哇哈哈... 有人話我同B. Fung講野咁官方... 我又諗到有樣野可以講... 就係 面對不同身份的人要善用語言技巧... 閒時 我同大家玩 當然輕鬆D都無所謂呀 但講到重要既班會事務 我又會formal返D... 而對住上面果班皇氣 就梗係要再formal... 之後果堂係Ms Lee... 原來最有驚喜果個係佢... 佢係咁多個metor當中 最識教書的一個 善用資料 使個課堂有吸引力 充足的準備... 最後果堂就係正... 放學走人 返黎同托華chat陣就訓教... 晚上就電視.... *今日完成整個抗生素的療程...
感覺上完全復原... 繼續留意仲有無其他後遺症... |
| |
| *稀文 生日快樂! 今日過得總算叫做充實... 上Ms Man堂確實好!... 有兩個鐘頭lunch 出左去食.... 下晝返黎就practice點著gown同除... 仲有點洗手 好好笑 哇哈哈... 洗手都洗到爛..... 放學就先幫范信們手 整樓梯... 中途就去左同司琴夾歌... 之後再出返去幫手... 最後搞掂! 大家真勁!!!! 之後就去市中心買野先... 再返屋企拎野... 之後去慶祝melo生日lu... 今晚好開心 感覺好好... 似家庭樂.... 真係同係屋企都差唔多... 不過其實我全晚條腰都好痛... 唔知係咩原因... 本身己經無左一排... 今晚再黎...... 嘩 救命.... 睇黎我既病情都應該唔簡單... 近一個星期 急跌6磅.... 應該要去做個詳細既檢查喇... 不過我唔會 反正如果真係有事... 我知左又點... 等真係好大件事先算啦... hehe... 至少我而家能夠同各位好友隨意相聚.... |
| |
